Isang Linggong Pagtula Ng Puso Ko

Mahal ko, mahal ko, mahal ko,

Natutuwa ako na paunti-unti nang bumabalik ang katakawan mo.

Mahal ko, mahal ko, mahal ko,

Masaya akong paunti-unti ko nang nasisilayan ang magagandang ngiti mo.

Mahal ko, mahal ko, mahal ko,

Napakaling bagay sa akin na malaman na unti-unti nang bumabalik ang pagkamasayahin mo.

Mahal ko, mahal ko, mahal ko,

Alam kong hindi agad agad iyon na mawawala.

Mahal ko, mahal ko, mahal ko,

Naniniwala akong malalagpasan mo din ito.

Mahal ko, mahal ko, mahal ko,

Nagtitiwala ako sayo.

Mahal ko, mahal ko, mahal ko,

Nandito lang ako kahit topakin ako!

Mahal ko, mahal ko, mahal ko,

Hindi ako magsasawang gumawa ng tula para sayo.

Mahal ko, mahal ko, mahal ko,

Huwag mo sanang kalilimutan na mahal na mahal kita.

Mahal ko, mahal ko, mahal ko,

Tumingin ka sa langit paggising mo. Pagmasdan mo ang araw na ngumingiti sayo. At kung sakaling makulimlim, baka napuyat kaya hindi maagang nagising.

Mahal ko, mahal ko, mahal ko,

Maihahalintulad sa mga tala ang pagkislap ng mga mata mo. Ang mga mata mo ang pinakamakislap na bituin na nakita ko.

Mahal ko, mahal ko, mahal ko,

Katumbas ng buhay ang mga ngiti mo. Sa mga ngiti mong nagbibigay saya at kahulugan, sa ngiti mong mas matamis pa sa kahit anong espesyal na asukal, sa ngiti mong nagbibigay kahulugan sa buhay.

Mahal ko, mahal ko, mahal ko,

Mas matatag ka pa sa kahit anong bato! Mas matapang ka dahil ilang pagsubok na ang nalampasan mo! Mas magaling ka pa ngayon kaysa sa ikaw sa nakaraan mo!

Mahal ko, mahal ko, mahal ko,

Alam kong kayang kaya mo!

Mahal ko, mahal ko, mahal ko,

Kahit anong mangyari at pagsubok pa ang dumating, nandito lang ako. Isang tawag mo lang mag-aala superwoman na lilipad papunta sayo. Nanginginig pa!

Mahal ko, mahal ko, mahal ko,

Wag mong kakalimutan na mahal na mahal na mahal kita!

Mahal ko, mahal ko, mahal ko,

Hiniling ko sa mga bituin sa langit na bantayan ka sa tuwing ika'y nahihimbing. Na ang liwanag nila, maging gabay mo sa gabing madilim.

Mahal ko, mahal ko, mahal ko,

Sa pagising mo, hiniling ko sa araw na pangitiin ka sa tuwinang nalulungkot ka. Sa tuwinang naiisip mo na wala kang karamay, ikaw lang palaging mag-isa.

Mahal ko, mahal ko, mahal ko,

Kinaibigan ko ang mga ulap at nakiusap akong pintahan ka niya ng mga kulay na iba't iba! Nang sa gayon, maaliw ka at maramdaman mo na sa kabila ng lahat, naroon pa din ang pag-asa.

Mahal ko, mahal ko, mahal ko,

Kinausap ko ang hangin na magsilbing bisig sa tuwinang napanghihinaan ka, nang sa gayon, maramdaman mo na hindi ka nag-iisa.

Mahal ko, mahal ko, mahal ko,

Huwag na huwag mo sanang kakalimutan na mahal na mahal na mahal kita. Kahit dumating ang panahon na hindi na sapat ang pag-ibig ko para mapasaya ka.

Mahal ko, mahal ko, mahal ko,

Paglipasan man ng panahon ang pag-ibig ko, ikaw at ikaw pa rin sinta.

Mahal ko, mahal ko, mahal ko,

Ikaw ang naging dahilan ng muling pagngiti ng puso ko.

Mahal ko, mahal ko, mahal ko,

Dahil sayo naranasan ko kung paanong mahalin ng taong mahal mo.

Mahal ko, mahal ko, mahal ko,

Ikaw ang dahilan kung bakit napapangiti ako sa tuwinang iniisip ko ang bukas na ikaw ang kasama ko.

Mahal ko, mahal ko, mahal ko,

Minsan hindi kayang tumbasan ng salitang mahal kita ang nararamdaman kong pagmamahal sayo.

Mahal ko, mahal ko, mahal ko,

Parang wala nang silbi ang buhay kapag wala ka na sa piling ko.

Mahal ko, mahal ko, mahal ko,

Mahal na mahal na mahal na mahal kita, iyan sana ang pakatandaan mo.

Mahal ko, mahal ko, mahal ko,

Huwag mo sanang maiisip pa na hindi ikaw ang lalaking karapat-dapat sa puso ko. Dahil mahal, sa dinami ng sumubok, ikaw ang pinili ko. Ikaw ang pinili ng puso ko. Ikaw lang ang nagpatibok muli ng puso ko.

Mahal ko, mahal ko, mahal ko,

Naging dahilan man ikaw ng pagluha ko, ikaw at ikaw pa rin ang pinakadahilan ng bawat pag ngiti ng mga labi ko. Ikaw at ikaw pa rin ang nagdudulot ng kasiyahan sa buhay ko. Ikaw ang kaligayahan ko.

Mahal ko, mahal ko, mahal ko,

Pakatandaan mo sana, kasama sa pagmamahal ang sakit at pait, ang luha't hinagpis. Dahil mahal ko, ito ang mga pagsubok na magiging daan upang mas maging matatag at malakas tayo. Na kahit ang sakit sakit na, titiisin natin dahil ayaw natin bumitaw. Dahil sa iisang kadahilanang mahal na mahal natin ang isa't isa. Mahal na mahal kita!

Mahal ko, mahal ko, mahal ko,

Huwag ka sanang panghihinaan sa dinadanas ko. Huwag mo sanang bitawan ang mga kamay ko. Dahil mahal ko, alam kong malalagpasan ko din ito. Dahil naniniwala akong kaya ko, at gustong gusto ko dahil para sayo! Sa akin! At sa 75yrs na pagsasamahan natin!

Mahal ko, mahal ko, mahal ko,

Hinding hindi ako magsasawang gawan ka ng tula, pagka't ikaw ang nilalaman ng bawat salitang nanggagaling sa puso ko. Mga salitang isinisigaw ng puso ko. Kaya mahal ko, kahit unti unti mo nang pinagdududahan ang mga salita't tula ko, huwag sana mahal dahil ito ang pinakanilalaman at pinakanararamdaman ng puso ko. At muli mahal, sasabihin ko sayo na ikaw pa rin ang aking mahal.

Mahal ko, mahal ko, mahal ko,

Hinding hindi pa rin nagbabago na ikaw ang nais kong makasama sa pagtanda. Ikaw pa rin ang pinili ng puso ko na maging una't huling iibigin nito. Ikaw pa rin ang lalaking nakikita ko sa pinakadulo ng buhay ko.

Mahal ko, mahal ko, mahal ko,

Mahal na mahal na mahal na mahal na mahal na mahal na mahal na mahal kita! Paulit ulit na sinisigaw pa rin ng puso ko, hindi mapapagod, hindi magsasawang isigaw ang pangalan mo. Mahal na mahal kita Edmond ko.

Mahal ko, mahal ko, mahal ko,

Hawak kamay nating malalagpasan ito. Magkahawak pa rin ang ating mga kamay na haharapin ito hanggang marating natin ang pinakadulo.

Mahal ko, mahal ko, mahal ko,

Huwag mo sanang bitawan ang mga kamay ko.